د سومالیا په پلازمینه موګادیشو کې دوه موټر بم چاودنې شوي، پولیس وايي، ۲۲ کسان یې وژلي دي. د راپورونو له مخې لومړۍ چاودنه شوې او ورپسې ډزې شوې دي.
پولیسو ویلي دي چې لومړۍ چاودنه د سفاري هوټل سره نږدې وشوه چې د زورورې چاودنې په پایله کې ډیره برخه ویجاړه شوه. د ژغورنې کارکونکي لا هم له خټو څخه د خلکو د را ایستلو په حال کې دي. هوټل د سومالیا د بهرنیو چارو وزارت ته نږدې دی.
"دا یو لارۍ بم و. دا د K5 په جنکشن کې چاودنه شوې،" حسین زیاته کړه چې "صحنه لاهم سوځیدلې ده."
د پولیسو یوه افسر عبدالله نور وویل:«موږ پوهیږو چې لږ تر لږه ۲۰ ملکي وګړي وژل شوي او لسګونه نور ټپیان دي.
"د مړو شمیر به خامخا لوړ شي. موږ اوس هم د تلفاتو په لېږدولو بوخت یو.»
حسين وايي، چاودنه هغه مهال رامنځته شوه، چې امنيتي ځواکونه د لارۍ په تعقيب بوخت وو، چې شک پرې پيدا شو. هغه زیاته کړه، چاودنه ظاهراً یو سیمه ییز هوټل په نښه کړی دی.
د نږدې رستورانت یوه ویټر عبدینور عبدل وویل، «ترافيکي ګڼه ګوڼه وه او سړک له لارویانو او موټرو ډک وو.» هغه زیاته کړه: "دا یو ناورین دی."
عيني شاهدان وايي، چې له چاودنې وروسته ډزې هم شوې دي.
د پولیسو په وینا، دویمه چاودنه د مدینې منورې په ولسوالۍ کې شوې ده.
"دا یو موټر بم و. دوه ملکي وګړي وژل شوي دي.» د فراه د پولیسو یوه قوماندان وویل. هغه زياته کړه، چې يو تن يې د چاودېدونکو توکو د ځاى پر ځاى کولو په تور نيولى دى.
دا چاودنې دوه ورځې وروسته له هغې وشوې چې د امریکا د افریقايي قوماندې مشر موګادیشو ته د سومالیا له ولسمشر محمد عبدالله محمد سره د لیدو لپاره تللی و.
تر اوسه کومې ډلې د برید مسوولیت نه دی منلی. په هرصورت، په سومالیا کې میشته الشباب وسله والې ډلې په دې وروستیو کې د هیواد په سویل او مرکزي برخو کې د اردو په اډو او د ښار په مرکزونو بریدونه کړي دي.